.jpg){kind=tracking}
തെക്കുമ്പാട് സ്വദേശി ചാമുണ്ടി ഗോപിയെ(48) വെട്ടിപ്പരിക്കേല്‍പ്പിച്ച സംഭവത്തിലാണ് ബന്ധുവായ പി.വി.ലക്ഷ്മണനെതിരെ പയ്യന്നൂർ പോലീസ് വധശ്രമത്തിന് കേസെടുത്തത്.
കഴിഞ്ഞ വെള്ളിയാഴ്ച വൈകുന്നേരം ആറരയോടെയാണ് സംഭവം. പ്രദേശത്തെ വയലില്‍ മണ്ണിട്ട് നികത്തുന്നതറിഞ്ഞ് വില്ലേജ് ഓഫീസര്‍ സ്ഥലം സന്ദര്‍ശിക്കുകയും പ്രവൃത്തി തടഞ്ഞ സംഭവമുണ്ടായിരുന്നു. വയല്‍ മണ്ണിട്ടു നികത്തുന്നതായി വില്ലേജ് ഓഫീസര്‍ക്ക് വിവരം ചോർത്തി നല്‍കിയത് ഗോപിയാണെന്ന് ആരോപിച്ചായിരുന്നു അക്രമം. കത്തി വാൾകൊണ്ട് വെട്ടേറ്റ് സാരമായി പരിക്കേറ്റ് പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ ചികിത്സയില്‍ കഴിയുന്ന ഗോപിയില്‍നിന്നും മൊഴിയെടുത്ത പോലീസ് വധശ്രമത്തിന് കേസെടുത്തത് അന്വേഷണം ഊർജിതമാക്കി.
